Impressione vo üs....
Konzärt 2025
Am 6. Septämber 2025 hei mir üses Konzärt ir Mehrzwäckhalle Thörige gha. Mitderbi si s Grueberchörli vo Grub AI und Quattrophonis usem Oberaargau gsi.
Chörlireis 2025 Berner Jura
Üsi Chörlireis het üs im Ouguscht i Bärner Jura gfüehrt. Nach Kafi u Gipfeli bi Chocolats Camille Bloch in Courtelary si mer gmüetlich bime feine Apéro im Restaurant La Cuisiniére z Préz Cortebert gsi wo oh s Liede nid z churz cho isch. Witer si mir z Fuess dür di schöni Juralandschaft i d Métairie Pierrefeu vor Familie Oppliger gloffe. Bi gutem Ässe u zämehöckle hei mirs richtig chönne gniesse!
Fotoshooting 2025
Bi üsem Shooting im vergangene Summer ir Grotte si di wunderbare Föteli entstande. Hie gseht dir ä chline Yblick.
Hälferisatz am OSF 2025 Inkwil
Am Pfingstwucheändi hei mir am Oberaargouische Schwingfescht z Inkwil am Buffet und ir Chukchi mitghulfe.
Chörlireis 2024 Weier - Tannenbad
Im September 2024 si mir Freue vom Weier i. E. i ds Restaurant Tannebad gspatziert.
Konzärt 2024
Am 17. Ouguscht 2024 hei mir üses Konzärt s erschte Mau ir Mehrzweckhalle Thörigen gha. Ä Bericherig für üse Ungerhaltigsabe si üsi Gaschtformatione d Trachtegruppe Unteriberg u d Musigformation Tänzigs gsi.
Jodlerfest 2024 Langnau i. E.
Z Langnau i. E. hei mir äs unvergässlichs, bärnisch kantonals, Jodlerfescht dörfe erläbe. Mit üsem Wettlied "Mi schönschti Melodie" vom Hannes Fuhrer hei mir d Beschtnote 1 dörfe mit heinäh. Dr krönend Abschluss isch dr traditionell Feschtumzug am Sunnti gsi, wo mir teilgnoh hei.
Konzärt 2023
Im Spätsommer 2023 hei mir üses erschte Jahreskonzärt uf dr Reiti Wäckerschwend gha.
